Ruhtaspeallu

Spealat go menddo dávjá ruhtaspealu?

Dábálaš dovdumearkat sáhttet leat váttisvuođat ruhtadiliin, bargo- ja bearašoktavuođain, dahje čuohca dearvvašvuhtii nu go váttisvuođat oađđimin, váivašuvvat ja deprešuvnda.

Davvi Norgga Universitehtabuohcciviessu dat doaimmaha dan neahttasiiddu mii addá vejolašvuođa nuvttá ja anonyma ohcat veahki ja láidehusa mot sáhtát dárkkistit speallama.

Norgalaččat spellet olu ruhtaspealuid, sihke Norsk Tipping ja eará spealuid, automáhtain, poker ja eará casino spealuid neahtas. Ollosat niegadit vuoitit dan stuora vuoittu, sii vurdet gelddolaččat ja sis leat olu vuordámušat speallamii. Muhto menddo olu ruhtaspeallan ja gambling sáhttá maid dagahit olu heajos konsekveanssaid dasa gii speallá menddo olu.