Speallansorjavašvuohta ii dušše čuoza dasa geas lea váttisvuohta, muhto sáhttá maid buktit stuorra čuozahusaid bearrašii ja earáide lahka gaskavuođain spellii. Speallansorjavašvuohta sáhttá buktit duođalaš čuozahusaid oktasaš ekonomiijai, ja sáhttá leat lossat fuolastuvvat speallis ja dovdat heađi dan fámus mii ruhtaspealus lea bearašlahtu badjel guhte gillá.
Boahtá dávjá dego šohkka go speallanváttisvuođat ovtta beaivvi ihtet. Erenoamážit máŋgasat dovdet ahte lea stuorra beahttu go spealli lea gielistan dahje čiehkan iežas speallanváttisvuođaid.
Oapmahažžan soapmásii gii lea speallansorjavaš dus sáhttá leat riekti gieđahallamii spesialistadearvvašvuođabálvalusas. Don dárbbahat čujuhusa fástadoaktáris dahje NAV:s oažžut dakkár gieđahallama.
Don oapmahažžan sáhtát atnit dehálaš rolla movttiidahttit spealli ohcat veahki ja doarjut su heaitit ruhtaspeallamiin. Seammás don fertet maid iežat dikšut ja sihkkarastit ahte iežat ekonomiija ja dearvvašvuohta ii geassu vulos speallama maŋŋil.
Dutnje oapmahažžan sáhttá orrut dárbbašlaš badjelgeahččat iežat dárbbuid, ja dávjá iežat fysalaš ja psyhkalaš dearvvašvuohta gillá. Danne fertet muitit gáhttet iežat. Ii leat buorrin oktiige jus don váibadat iežat, ja ale bala bidjat govttolaš gáibádusaid dasa maid don liikot.
Maid don oapmahažžan sáhtát bargat?
Sáhttá leahkit váttis áddet maid mielddisbuktá go lea speallansorjavaš. Áddet mii sorjavašvuohta lea, sáhttá veahkehit du unnidit dahje buoret láhkai meannudit balu ja fuolastumi, unnidit riidodási ja ráhkadit eanet čoavddajurddašuvvon fokusa sihke dutnje ja dasa geasa leat oapmahaš. Dávjá leat olu dovddut jođus dasa guhte lea ovddidan váttisvuođa, heahpat, sivalašvuohta ja ballu hilgojuvvot. Dát sáhttá ilbmat dego suhttu, fuolastupmi dahje geasášeapmi, juoga mii dieđusge lea váttis dutnje oapmahažžan. Jus dus leat veaháš máhtut sorjavašvuođa luonddu birra sáhttá álkidahttit. Dát gullá maid sutnje guhte lea ovddidan sorjavašvuođa. Okta ráva lea ovttas ohcat dieđuid dan birra. Oapmahažžan lea dehálaš áddet ja dohkkehit ahte speallansorjavačča láhttenvuohki lea boađus sorjavašvuođas, ii olmmoš ieš.
Mielsorjavaš
Lea dábálaš sivalašvuođadovdduin dahje heajus oamedovdduin go fuobmát ahte son geasa liikot lea ovddidan váttisvuođa. Mielsorjavašvuohta mearkkaša ahte attát fuola dasa guhte lea speallansorjavaš du iežat sivalašvuođadovddus, ja ii das mii duođas lea buoremus dasa geas lea sorjavašvuohta.
Vásáhus oapmahaččas
Mu isit lei čielggus juhkki go moai náitaleimme. Sullii 3 buori jagi maŋŋil son ovddidii speallansorjavašvuođa, juoga mii dagahii olu giellasiid ja luohttámušváilevašvuođa. Gaskavuođat, ekonomiija ja dorvvolašvuođa veagas hedjona. Ihtet olles áiggi ođđa čiegus ruhtageavaheamit ja vealggit, ja mii čovddiimet daid gearddis geardái.
Mii manaimet bearašsuodjalankantuvrii sullii jagi, ja mii leimmet Modums Bads bearašossodagas golbma mánu. Goitge váttisvuođat jotke. Gillen dás sullii 6 jagi ja dađistaga psyhkalaččat doadjalin. Loahpas áddejin ahte mon fertejin botket náittosdili fuolahit mánáid ja iežan. Lei áigi dasa.
Moai jotkkiime ovttasbargat obba buorit mánáiguin, ávvudeimme juovllaid ja riegádanbeivviid ovttas. Son jotkkii bargat, ja birgii buori muddui leahkit buorre fuolaheaddji mánáide.
Gieđahallan
Sorjavaš ieš ferte váldit oktavuođa fástadoaktáriin ja veahkehanásahusain oažžun dihte veahki iežas speallanváttisvuođaiguin. Geahča eanet movt oaččut gieđahallama dás.
Mo don oapmahažžan oaččut veahki?
Oapmahaččat sáhttet maid dárbbahit veahki gieđahallat noađi. Oapmahažžan soapmásii gii lea speallansorjavaš dus sáhttá leat riekti gieđahallamii spesialistadearvvašvuođabálvalusas. Don dárbbahat čujuhusa fástadoaktáris dahje NAV:s oažžut dakkár gieđahallama. Norggas leat máŋggaid sajiin spesialistadearvvašvuođabálvalusas fálaldat speallansorjavaččaid oapmahaččaide.
Bearašsuodjekantuvra lea vuosttašceahkkefálaldat mii sáhttá leahkit báiki gos ohcá veahki jus vásiha stuorra váttisvuođaid gaskavuođas. Vuosttašceahkkefálaldat mearkkaša ahte don/dii ehpet dárbbaš čujuhusa doaktáris oažžut oktavuođa singuin, don sáhtát ieš njuolga riŋget šiehtadit.
Ságastallamat oapmahaččaiguin fállo maid speallansorjavašvuođa gieđahallanbáikkiin. Huma du fástadoaktáriin čujuhusa oažžut.
Spillavhengighet Norge
Dávjá lea buorre veahkki ja doarjja hupmat earáiguin seamma dilis go ieš. Spillavhengighet Norge lea organisašuvdna speallansorjavaččaide ja oapmahaččaide mas leat jeavddalaš fierpmádatčoahkkimat oapmahaččaide máŋggaid sajiid Norggas. Spillavhengighet Norges lea maid oktavuođatelefona gos beassá hupmat soapmásiin geas lea seamma vásáhus.
Veahkkelinjá
Veahkkelinjá lea fálaldat oapmahaččaide ja spellii. Čiegus riŋgema lassin oapmahažžan ožžo neavvuma 800 800 40, sis lea informatiiva neahttasiiddut oapmahaččaide.
Spillkontroll.no
Spillkontroll.no lea ávkkálaš iešbirgejupmegursa neahtas speallansorjavaš oapmahaččaide. Gursas oapmahaččat ohppet earret eará movt sáhttá hupmat spelliin speallanváttisvuođaid birra, movt don sáhtát veahkehit ja doarjut spealli ja movt don sáhtát iežat gáhttet.
Muhtin rávvaga
- Huma suinna guhte speallá ja muital makkár dilli dus lea.
- Ánut veahki.