Dárbbahat go fáhkkes veahki? Váldde oktavuođa bahkadasdoaktáriin 116 117
Jus don vásihat ahte don leat massán hálddu speallamis, de lea dehálaš ahte don oaččut veahki fágabargis. Massit hálddu mearkkaša ahte speallan lea ožžon duođalaš negatiiva čuozahusaid dutnje ovtta dahje máŋggaid osiin du eallimis, ovdamearkka dihte sosiála doaimmalašvuohta ja váilevaš fierpmádat, bargu, skuvla, ekonomiija, psyhkalaš, dovduičuohcci dahje fysalaš.
Deháleamos man sáhttá bargat lea ságastit soapmásiin. Ovdamearkka dihte sáhtát geavahit min, namalassii Davvi-Norgga universitehtabuohcceviesu čátta, gos don sáhtát čiegusin čáttet fágaolbmuiguin speallama ja speallanváttisvuođaid birra.
Don sáhtát oažžut beaktilis gieđahallama speallanváttisvuođaide máŋggaid báikkiin riikkas. Muhtin fálaldagat gáibidit čujuhusa fástadoaktáris, NAV:s dahje sosiálabálvalusas du gielddas.
Leat go eahpesihkkar gii du fástadoavttir lea? Helsenorge.no sáhtát gávdnat gii lea, dahje molsut fástadoaktára.
Dieđut gieđahallama birra sierra báikkiin riikkas gávnnat hjelpelinjen.no
Mii dáhpáhuvvá gieđahallamis?
Guorahallan/gárten
Mii lávejit geavahit jearahallanskovi reaidun go gártet man duođalaš sorjavašvuohta lea. Gieđahalli sáhttá geavahit sierra lágan jearahallanskoviid gártet speallansorjavašvuođa. Jus gávdnet eará váttuid psyhkalaš dearvvašvuođain, dat guorahallo maid.
Terapevttalaš ságastallamat
Jus álggát gieđahallama de šiehtadalat gieđahalliin gallii galgabeahtti gávnnadit ságastallamiidda. Dát sáhttá rievdat du sávaldaga, gieđahalli árvvoštallama, eallindili, psyhkalaš dili mielde ja man duođalaš speallansorjavašvuohta lea. Gieđahallama álggus lea dábálaš gávnnadit oktii vahkkui dahje juohke nuppi vahku.
Ságastallamiid váldoulbmil lea veahkehit du gávnnahit manne speallan lea šaddan váddun dutnje ja iskkat jurdagiid ja dovdduid mat leat du speallanláhttema vuođđun. Dan maŋŋil mii geahččat doaibmabijuid nu ahte rievdadit láhttema ja oažžut buoret kontrolla du impulssain praktihkalaš doaimmaiguin čadnon speallamii.
Gáiddusvuođđuduvvon gieđahallan
Buohcceviessu Innlandet lea gáiddusvuođđuduvvon gieđahallanfálaldat ruhtaspeallasorjavaččaide: spillbehandling.no. Gieđahallanfálaldat lea nuvttá, ja lea golbma-mánnosaš prográmma mas leat čálalaš bargobihtát ja sierra telefonságastallamat ja bargobihtát neahtas.
Dieđut gieđahallama birra sierra báikkiin riikkas gávnnat hjelpelinjen.no
Mun háliidan geahččalit gieđahallat dán ámmátlaš veahki haga. Maid mun galggan bargat?
Geahččal giddet visot beassama mii dus lea speallamii. Gidde speallankonttuid webbasiidduin, bisset tippegoartta, muital bálvalussii Bingohállas ahte don it šat sáva speallat. Cealkke eret ođasreivviid ja SMS:id speallanfitnodagain. Ráddje beassama iežat ruđaide maiguin sáhtát speallat. Siđa kredihttagoarttagávpeservviid gieldit dutnje addit kredihttagoarttaid.
Oačču oppalašgova iežat ekonomiijas. Čohkket gáibádusaid buot instánssain geasa dus lea vealgin ruhta, ja ráhkat listtu supmiin ja gávpevuođđudusain. Jus dus eai leat vejolašvuođat máksit buot, sáhttá leat buorre oažžut máksinplána. Riŋget velggoheddjiide ja čilget dili ja ánuhit maŋideami sáhttá veahkehit. Ráhkat šiehtadusa priváhtaolbmuiguin geasa leat ruđaid vealgin. Dat addá buoret gaskavuođa ja heahpat ja balu unno go gávnnahat singuin.
Máŋgasat vásihit geahpádusa go ii leat ovddasvástádus iežas ekonomiijas oanehis áigái, ja seammás go ii leat vejolašvuohta geavahit ruđa speallamii. Jus don oaivvildat ahte dát sáhttá veahkehit du beassat eret speallanváttisvuođas don sáhtát árvvoštallat sihtat bearašlahtu, ustiba dahje juristta leat gaskaboddasaš ekonomalaš váldeguoddi dutnje. Dát ii leat guhkesáigásaš čoavddus váttisvuhtii, muhto sáhttá dagahit du dili geahppasit vuosttaš mánuid mat dábálaččat vásihuvvojit váddáseamos speallama garvit. Eanemus NAV kantuvrrat fállet vealgeneavvuma.
Spillavhengighet.no
Máŋgasat dovdet ahte hupmat soapmásiin gii lea sullasaš dilis, dahje guhte juo lea čađahan dan maid don čađahat dál lea veahkkin. Spillavhengighet Norge doallá miellahttočoahkkimiid speallosorjavaččaide ja oapmahaččaide eanemus stuorra gávpogiin Norggas. Don sáhtát oažžut oppalaš gova vejolaš doarjjajoavkkuide siiddus spillavhengighet.no